روآية ماني من اللي لا مشى الدهر ينساك ولاني من اللي عاشروك المصالح كاملة
للكــآتبة / آلمنسية ..
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
وهذي روايه بين ايديكم
بسم الله نبدا
ماني من اللي لامشى الدهر ينساك
ولاني من اللي عاشروك لمصالح
ولاني من اللي لابغى شي حياك
انا من اللي يقدمون النصايح
لاخانتك دنياك والكل خلاك
تلقاني صديق صادق عند باابك
يوم الاربعاء الساعه 4 العصر
خالد : اف وانت يالله تفتح الباب
زياد : شفيك انت تنوفخ علينا بسم الله
خالد : اقول بس اخلص دخلني بسرعه الحر ذبحني
زياد فسح له طريق : حياك ادخل
دخل خالد وجلس في المجلس الي كان عن عباره جلسه شعبيه
زياد : شفيك خلود معصب
خالد : قااهرني ابوي كل شي يتدخل فيه اف
زياد : ليه ؟
خالد : تخيل قلت له مابي اروح بيت عمتي جلس يهاوشني ولا والقهر يهاوشني قدام اخوي الي يموت فيني
زياد : هههههههههههه طيب والحين بتروح ؟
خالد انسدح : أي بروح وش اسوي بعد
زياد : مادري ليه ماتحبهم
خالد اشر على حلقه : واقفين في بلعومي مايمرون ابدا
زياد : هههههههه
خالد : وش عليك اضحك الي بيدينه بالماي مو مثل ايدينه بالنار
زياد : والله حاله
خالد : اقول وش في جسوم وسلوم مامرونا
زياد : مادري عنهم
رن جوال خالد وشاف المتصل وابتسم وعطاه مشغول التفت على زياد الي مستغرب عليه
خالد : شفيك تطالع فيني
زياد : تركي ؟
خالد : يس
زياد : وانت متى تترك هالحركات عنك ماتدري انه يضرك ويمكن يضر سمعتك بعد
خالد : اقول شب بس انا مالقى الراحه الا معه
زياد : الله يهديك بس والله لو عرف ابوك عن سوالفك مادري وش بيسوي فيك
خالد : ليه وش شايفني بزر
زياد : أي بزر في تصرفاتك
خالد وقف : افففف صدق صاير مليق
زياد : يعني الكلام الصح والعدل طلع مليق
خالد : فمان الله
زياد : مع سلامه
طلع خالد واهو منقهر يحس محد فاهمه الا تركي الي بيدمره وبيدمر حياته ومستقبله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
اعرفكم الحين على شخصيات :
(عائلة خالد )
ابو نايف : رجال حنون ويحب عياله ويخاف عليهم بس في وقت شده ياويل الي يكلمه واممم واشوي شديد على خالد
ام نايف : المفروض يكون اسمها ام خالد بس من كثر حبها لزوجها سمته على اسم اول ولد من زوجها ثاني والي اهو نايف وحنوووووووونه كثير
خالد : عمره 17 سنه طالب ثانوي متهور لابعد الدرجه وينلعب عليه بسرعه ويخاف من زوج امه طبعا يسميه ابوي لانه مربيه ومن اهو صغير وراح تعرفون قصته ان شاء الله مع الاحداث
نايف : عمره 16 سنه كلا هواش مه خالد ويغار منه مراح يكون له احداث كثيره
جنى : عمرها سنتين مالها قصه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
بيت ابو نايف الساعه 8 العشاء
ابو نايف : يعني شنهو مانت برايح
خالد : الا يبه الله يهداك بروح
ابو نايف : وليه قاعد الى الحين ماتجهزت
خالد بداخله مادري ليه يحب الهواش والصراخ اففف: ان شاء الله يبه هذاني بروح اتروش
ابو نايف : الله يهديك بس ويصلحك
ام نايف : خف عليه اشوي
ابو نايف : لاتدلعينه كثير ترى مع دلع بيخترب
ام نايف : ان شاء الله
نزل نايف واهو لابس الثوب : يبه متى راح تشتري لي سياره
ابو نايف : اذا تخرجت من المتوسط
نايف : يو يبه تراني مو صغير شوف شورابي طلعت
ابو نايف : لاتحن كثير ترى مو زين لك
نايف عرف انه بيهاوشه فكذا سكت بعد خمس دقايق كلهم توجهو بيت العمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
الخميس الساعه 9 الليل
سالم : ههههههههه كمل بسرعه
خالد : تعيب علي وتبيني اكمل
جاسم : ههههههههه توبه خلاص سلوم لاتعيب خليه يكمل
خالد : أي وين وصلنا
زياد : من يخزك ابوك
خالد : ههههههههههه أي والله انطميت طمه مش طبيعيه
جاسم : تستاهل اجل احد يقول حق عمته بينك وبين الموت شعره
خالد : ههههههههه خلاص اتوقع العمر يقول تكفييييييين لاتطولين
سالم : اسغفر الله
خالد : جانا المطوع
سالم : ماتبي احد يستغفر
خالد : اسفين خلاص
رن جوال خالد وطلع تركي : احمم شباب انا بروح
جاسم : وين تو ناس شوفها الساعه 9
خالد بلع ريقه عرف وش بيقولون اذا قال انه تركي الي متصل : اشوفكم بكره ان شاء الله بس انا الحين عندي شغله ضروريه
زياد : وش هي شغله يااخ خالد
خالد : مالك دخل فيني سامع
زياد : اوكي يالمحترم تفضل روح عند حبيب قلبك تركي
خالد عصب ومسك زياد من ياقته بس شباب ابعدوه بقوه وقف سالم في الوسط
سالم : خبلان انتو على اخر العمر تتهاوشون
خالد بعصبيه : خليه يحترم نفسه بلأول
زياد : والله اذا صرت رجال كلمتك ذيك الوقت
جاسم : خلاص هدو العب ياشباب تترى الموضوع مايسوى ابدا وثاني شي خلود عنده عقل يفكر ويعرف الصح والخطأ
زياد : اوكي بكيفكم بس ياخالد بيجي يوم وابتندم فيه وهذا هو وجهي
خالد : اذا جاء هالوقت قولي
طلع خالد واهم معصب وركب سيارته وراح بيت تركي بعد ربع ساعه وصل البيت ورن الجرس وطلع تركي
تركي : واخيرا جيت خلود تأخرت
خالد : اعذرني كنت مشغول اشوي مع الاهل
تركي : اها يالله جاهز ؟
خالد : أي جاهز بس خايف
تركي : خايف من وش ؟
خالد: اخاف اني افشل قدام الناس
تركي : عادي يالحبيب وش فيها اذا فشلت
خالد : امممم يالله طيب قبل مانتاخر
تركي : يالله
راحو خالد وتركي عند شارع التفحيط وكان في اشخاص واقفين ينتظرون المفحط الجديد المنسي >>> طبعا هالاسم من عندي يعني اذا طلع واحد مفحط بأسم المنسي ماكنت اقصده
خالد واهو متلثم بالشماغ وتركي جمبه ويعلمه الطريقه وطبعا ضبطها لان كان متعلم من قبل بس الحين جالس يذكره بالطرق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
عند الشباب الساعه 12
زياد بضيق : والله اني خايف عليه
جاسم : اكيد هذي مخاطره فيها حياة ومووت بس خلود معاند يقول هذي هوايته ومن اهو صغير
زياد : بس انت ماتعرف تركي والله انه ادشر واحد في الاحساء وخايف عليه لايعلمه على اشياء ثانيه غير التفحيط
سالم : مثل وش ؟
زياد : اممم اكثر المفحطين يتعاطون المخدرات وانا خايف عليه
جاسم : اف اسكت لاتخوفنا ازيد بس انا ماتوقع تركي يتعاطى
سالم : وانت وش دراك عنه
جاسم مسك راسه : خلاص خلاص اف
زياد واهو يشوف ساعته : يالله شباب تأخر الوقت وبكره وراي صلاة جمعه
سالم : اوكي حتى انا استأذنك جسوم نجي بيتك مره ثانيه
جاسم : ههههههههههه ولا بعد تعزم عمرك يمكن ماعزمك مره ثانيه
سالم : غصبا عنك ابنجي
جاسم : صدق انك ماتستحي
سالم : هههههههههههه يالله مع سلامة
زياد : وصلني بطريقك
سالم : ليه وين سيارتك ؟
زياد : في الورشه خربانه
سالم : اجل مساعه مع من بتروح ؟
زياد : ادور لي تاكسي
سالم طقه على راسه : على تتبن
زياد : هههههههه
طلعو من بيت جاسم وصل سالم زياد وراح بيته
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
عند خاالد وتركي
خالد واهو يضحك : قسم انه ممتع
تركي : توك تعرف
خالد : كنت جاهل
تركي : اها طيب خلود انا دايخ بروح انام
خالد : اوكي
راح خالد البيت وشاف البيت هااااااادي وباين انهم كلهم نايمين
راح غرفته وانسدح وحاول ينام بس ماقدر ابدا انه ينام وزيود زعلان منه راح اتصل عليه
بس زيااد مايرد عرف انه زيود زعلان من ولا بعد زعل شدديييد
حاول ينام مره ثانيه بس كل ساعه يتذكر شكله واهو يفحط وحس انه نااادم بس مستحيل راح يترك هوايته المفضله من اهو صغير
صرخ خالد ومسك راسه بقوه صدع من كثر التفكير يحس انه في دوامه مايدري وش يسوي ابدا غطا وجهه كله بالحاف واخذ المخده وحطه على راسه يبي يمنع من التفكير بعد خمس دقايق نام بس مكان مرتتاح جلس وشاف نور من نافذه عرف انه صلاة الفجر فاتتته قام وشاف الساعه كانت الساعه 7 صباح
راح توضا وصلى صلاة الفجر وبعدين نزل تحت علشان يفطر
شاف امه تكلم تلفون راح لها وباس راسها بعد دقايق سكرت من تلفون وشافت وجهه خالد كان وجه احمر وعيونه حمررر
ام نايف : بسم الله عليك خلود وشفيك كنت تصيح ؟
خالد : لا يمه توني صاحي من نوم
ان نايف : علاما وجهك احمر ؟
خالد : مادري يمه يمكن علشاني متضايق
ام نايف : وش منه
خالد : متزاعل مع زيود
جاء ابو نايف : وانت هذي حالتك مع ناس مالك عدو ولا صديق
وقف خالد احترام له وباس راسه : لا يبه بس مشاكل بسيطه
ابو نايف : اها روح اجل صالحه
خالد : اكيد يبه بشوفه في صلاة جمعه بتصالح معه
ابو نايف : ان شاء الله فطرت ؟
ام نايف : لا محد فطر استنى الجميع يجلسون علشان احط الفطور
ابو نايف : ماهو لازم حطي الفطور الحين
ام نايف : ان شاء الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
الجمعه الساعه 10 الليل
جاسم : وش سويت امس
خالد ابتسم : افتح اليوتيوب واكيد راح تشوفني
سالم : يالواثق انته
خالد : ههههههههههههههه لا بس انا حبيت انشهر بسرعه وخليت واحد من شباب يصورني وعطيته فلوس علشان ينزله وينشره في اليوتيوب
جسام : بدون شي انت راح تشتهر
خالد : اكييد
زياد: وانت عاجبك هالوضع ؟
خالد : اكييد عاجبنني
زياد سكت عنه ولا يبي يزيد المشاكل بين صديق عمره : طيب ذاكرت ؟
خالد : وش اذاكر شايفني مصطفى
سالم : بس ياحبيبي هذا اختبار رياضيات ماهو لعب وثاني شي انت ماخذ في اختبار الاول 4 من 10 وش ناوي عليه في الاختبار الثاني وثالث شي احننا اخر سنه في ثانوي لاتلعب واجد علشان تلقى لك وظيفه
خالد بزهق : خلصت ؟
سالم : أي خلصت انا نصحك الحين انك تذاكر على الاقل تذاكر القوانين والقاعدات المهمه
خالد : افف اسكت بس طول بس على ارب قوت تالنت خلينا نتابعه
زياد : اوكي سكتو شوفو هذي خطييييييييييييييره
سالم : ههههههههه ناوي تتزوجها
زياد : ليه شايفني بايع نفسي
جاسم : ليه حلوه والله
زياد : كم واحد شافها انا ابي وحده متستره وتعرف دينها مو طالعه لرجاجيل متفصخه
الكل : هههههههههههههههههه
جاسم : أي اكيد البنت مثل الؤلؤه اذا شافوها الناس تتصير بدون قيمه
زياد : صدقت والله
جلسو يتابعون البرنامج الى ساعه 11 الليل
زياد : يالله شباب الوقت تأخر بروح انام وراي مدرسه
الكل : طرده محترمه
زياد : هههههه يعني الواحد يحس يالله بس
جاسم : ههههههههه يالله صدق بكره مدرسه مع سلامة
كلهم اطلعو واتجهو الى بيوتهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
في صباح باكر يشرق الشمس ليبدا يوم جديد ومشق
يوم سبت الساعه 7
ام نايف : تعبتني ياخالد قوم
خالد :يمه ابي اغيب امس ماذاكرت شي
ام نايف : وليه ان شاء الله ماذاكرت ؟
خالد : ماكنت فاضي الحين خلصتي يمه ؟
ام نايف : لا مابعد اخلص قوم بسرعه لايجي ابوك الحين
خالد واهو يحط المخده على اذانه ويتغطى بالحاف الكامل بس سمع صوت فتحة الباب بقوه وخر الحاف عنه وشاف ابوه واقف واهو معصب
ابو نايف : ان شاء الله الى الحين ماجلست ؟
خالد بربكه : ها لا كنت بقوم بس تعرف النوم سلطان و
قاطعه ابو نايف بخزه : قوم قدامي بسرعه
خالد نزل راسه بخوف :ان شاء الله
راح خالد الحمام وتروش ولبس الثوب المخصر وطبعا مخالف ولبس الشطنه الي على الكتف
ماخذها علشان مايغير كتبه كل يوم
ونزل تحت وشاف ابوه وامه ونايف يفطرون باس راسهم وجلس
ابو نايف : ان شفتك متعب امك ماتلوم الا نفسك فاهم ياخويلد ولا افهمك ازيد
خالد منزل راسه : فاهم
ابو نايف : يالله قومو اوديكم المدارس
خالد رفع راسه : يبه ماني بزر ابي اروح بسيارتي
ابو نايف : خالد لاتسبب حق عمرك مشكله قوم بطيب احسن لك
خالد بلع ريقه : طيب
راحو كلهم على المدارس طبعا خالد متأخر وقف عند المدير واهو يهزئه على تاخره وعلى ثوبه الضيق وبعد الهواش كله راح الفصل واهو مصدع على الاخير
زياد بهمس : اتوقع انك مالك خلق
خالد بضيق : أي اف مابي اجي المدرسه بس انت عارف ابوي
زياد : أي احسن لك واهو ميهاوشك ومايغصبك الا على مستقبلك
خالد : اسكت بس عارفك دافور وتخاف على درجاتك
زياد سكت ويمسع لشرح الاستاذ بعد دقايق صفرت ودخل استاذ الرياضيات
الاستاذ : فرقو الطولات
محمد واحد من طلاب : استاذ اجل الاختبار امس ماذاكرنا عدل
الاستاذ : اقول بس فرقو الطولات وانتو ساكتين والاختبار مراح يأجل والي مايبي يختبر يقول لي من الحين
اسكتو الطلاب كلهم وفرقو الطولات ووزع اوراق الاختبار هنا توهق خالد لان بدل اماكنهم وخلا زياد اول واحد واهو اخر واحد على زاويه
خالد بهمس حق الي قدامه كان مصري : احمم سؤال الاول
بس المصري ماعطاه وجهه غسل يده منه وراح حق الي جمبه بس الي جمبه كسلان وحال كم فقره خذهم وعطا الاستاذ
الاستاذ : ماشاء الله اشوفك خلصت بدري
خالد : أي لاني امس كنت تعبان وماذاكرت عدل فحليت لك كم سؤال يطيب خاطرك فيه
الشباب : ههههههههههههه
الاستاذ : بس سكتو لاسحب الورق . والتفت على خالد وانت اخذ الورقه وحل مثل الناس
خالد : طيب وش اسوي يعني معرف شي
الاستاذ : اخر كلام ؟
خالد : يس
جلس خالد في مكانه واهو يشوف الطلاب كيف ممتوهقين مع اسألته لانها معروفه صعبه حتى الداافور لازم ينقص
خلصو كلهم وجلس الاستاذ يصحح الورق وقال درجاتهم
الاستاذ : محمد اخذت 7 من عشره
محمد سند ضهره : أي زين الحمدالله
الاستاذ : زياد اخذت 9 ونص
زياد فرح والتفت على خالد الي مبتسم له
االاستاذ : خالد 1وربع من عشره
خالد طالعه بصدمه : متأكد استاذ ؟
الاستاذ : أي متاكد
خالد بلع ريقه عرف انه مستحيل راح ينجح مدام انه مستواه كذا اف وطبعا هذا اخر اختبار راح يتختبره الاستاذ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
في الفسحة
سالم : يو خلود ليه انت معاند روح له وقول له عندك ظروف خله يعيد لك الاختبار
خالد : مابي انزل نفسي حق احد وثاني شي عاجبني مستواي
زياد : باين انه عاجبك خلود لاتضيع مستقبلك عاد
خالد : عاد ولا ثمود
الكل : ههههههههههههه
جاسم : صدق انك سخيف
خالد : اجل ليه تضحك
جاسم : على خفة عقلك
خالد : عن الغلط
جاسم : هههههههههه نضحك وشفيك انقلبت علينا
زياد : هههههه طيب شباب وشرايكم اليوم نرووح حديقة ملك فهد
خالد : امممم اوكي
زياد : بس على شرط نخلص مذاكره بالأول بعدين نروح
خالد : اوكي
زياد : ههههههه بس راح اسمع لك ترى
خالد : ليه وش شايفني بزر ؟
زياد : تقريبا
خالد : كل تبن
زياد : تبن حط عليه خيار
سالم : اسكت ياوصخ يععع انقرفت الصراحه
جاسم : يااااااااااي يارقيق
زياد : مو ناقصك الاعلبة مكياج
الكل : هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
بيت ابو نايف الساعه 10 الليل
نايف : يبه ابي فلوس
ابو نايف : كم تبي
نايف : امممم انت كريم واحنا نستاهل
ابو نايف عطاه 100 ريال : لاتطلب مره ثانيه لان الخميس معطيك 300 وين وديتها ؟
نايف : يو يبه شريت لي تي شرت مع بنطلون وخلصت
ابو نايف : كذاب كيف كفتك 300 اكيد متسلف من احد
نايف : امممم الصرااحه أي
جاء خالد :: السلام
الكل : وعليكم السلام
ابو نايف : وين رايح ؟
خالد : بروح مع اصدقائي حديقه ملك فهد
ابو نايف : عندك فلوس
خالد : أي مشكور يبه
ابو نايف : العفو
خالد : وين امي ؟؟
ابو نايف : راحت بيت امها
خالد : اووووه جدتي صدق اني مشتاق لها
جات جنى تركض وضمت خالد : جنوني تركيني بروح تاخرت
ابو نايف : ودها معك البنت زهقت من جلست البيت
خالد : افف يبه جلسه شبابيه وابي ارتاح انا
ابو نايف : والبنت شوفها متعلقه فيك لاتكسر بخاطرها ودها
خالد : من عيوني
طلع خالد مع جنى الي لابسه فستان جنز حمالي الى الركبه والبلوزه الي تحت لونها وردي ولابسه جزمه جنز مع شربات ورديه ومسويه واحد طبعا شعرها قصيروماينمسك كله فصاير شكل المربوط واقف ومتناثرنصه بس صاير شكلها جنان مع شعرها المبعثر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
المصدر: منتديات النواصرة
| التوقيع |
 |
ليست هناك تعليقات:
إرسال تعليق