رواية يغار ويسعد إحساسي بهالغيرة وأحس بأني لقلبك موطن وديره
الكاتبة : اليـآقوت
ياناس ايش سوى بيّه .. ياناس ايش سوى بيّه
يوم ابعد عليّه .. ياناس ايش سوى بيّه
خلا دموعي تجري .. اه لو بيّه يدري
ما يبعد عليّه .. ياناس ايش سوى بيّه
---
ياناس انا ابختكم .. اريد حبيبي منكم
اريد الحضن يرجع .. حبيبي فراقه يوجع
وما احمل اذيّه .. ياناس ايش سوى بيّه
---
اذا لي يمك خاطر .. تعال ارجع لي باكر
قلبي يريدك انته .. واخاف يموت سكته
وما تلحق عليّه .. ياناس ايش سوى بيّه
اذا بتنقلون الرواية لا تنسون اسمي واسم المنتدى
اليـآقوت - غرام
من هم أبطال روايتي ؟
الجـد "بندر 72" : طيب وحنون قلبه ابيض بس صارم وشديد ويحب يفرض رايه على الكل
الجده "مزنة 67" : قلبها ابيض ولسانها طويل شوي .. دايما تتحلطم على احفادها بس تحبهم وتبي لهم الخيـر
الابن الاكبر "جاسم 55" : طيب وحنون قلبه ابيض والزم ما عليه عياله وزوجته مدير شركة كبيرة بالبحرين شريك مع اخوه الكبير بالشركة
الابن المتوسط "هشام 52" : هذا جمييييل جمآآل مو طبيعي حتى بكبره مشبب روحه .. طيووب وحنوون حييل
الابن الصغير "غانم 49" : طييييوب مرة بس يشبه جده متسلط ويحب يفرض رآآيهه شريك اخوآنهـ
عائلة جآسم " بوبندر " ... زوجته "سبيكة 51" " ام بندر "
"بندر 30" : بعد ما تقاعد ابوه صـآر هو مدير الشركة باعتبار انهـ اكبر الشباب واعقلهم .. بندر شقوول عنهـ ؟؟ ياهوو من وسآآآمة .. ياهوو من شخصية .. سمي جدهـ ويشبهه بكل شيء متسلط واوامره وقراراتهـ فوق الكل .. مين ما كآآن .. وكل العايلة تهآبهه لشخصيته القوية وقريب كثير من جددهـ .. عيونه وساع عسلية .. اسمر سمار يجنن خشمه طويل وشفايفه حمرة ومليانه رقبته طويله شعره بني داكن وكثيف .. طويل ومعضل .. جسمه هيبة .. صوته رجولي وفيه بحة مميزة .. وعنده قاعدة الحب مآ يجي الا بعد الزوآآج !
"فراس 28" : يشتغل في الشركة ومن اعضاء مجلس الادارة .. طيب وحنون عكس اخوه .. ياخذ الامور ببساطه .. يحب وحده راح نتعرف عليها بعدين .. يحبها من كل قلبه .. فراس يشبه بندر بكل شيء .. بس هو عيونه صغار ولونهم بني فاتح .
"سارة23" : طيوبة وحلوة .. فالتهآآ ومو هامهآآ اي شي .. قاعدتهآآ طنش تعش تنتعش .. ماتحط في بالها اي شيء .. ودايما مطنشة وهذا الي مريحها .. عيونها عسلية وساع بشرتها بيضة طويلة وجسمها حلو.
"لين 19" : أطباعها مثل اختها بالضبط بس ام دميعه "خخخ" .. عيونها عسلية وبشرتها حنطية قزمة ودايما الكل يعيب عليها وينادونها بـ " القزمة " ..
هشآم "بوريان" .. زوجه مريم "ام ريان"
"ريان 28" : مزوووووووح حيييل .. وواحد من اعضاء شركة العايلة .. طيوووب وقلبه ابيض وما يحط في باله شي بس عصبي وزياده عن اللزوم ويستحقر كلمن يستصغره او يهينه .. يقلب ريان ثاني غير عن الي تعرفوونه .. ريان ماخذ شبه من بندر بس هذا ابيض وجسمه مو معضل وآآيــد
"الجــآزي 27" : شقووول بس عن هالادميية ؟ .. لها قلب يوسع جمل .. كل العايلة تلجأ لهآ وقت المصايب قلبهآآ ابيييض وآآآيـــد تحب تسآآآعــد وتحـل مشآآكل بنآآت عمهآآ .. كرآآمتهآآ فوق كل شيء .. فيها طبع من جدهآآ بندر بس موب وآآيد وآآآيد .. عيونهآ عسلية وسآآع وآآيد رموشهآآ كثاف انفهآآ سيف .. شفايفهآآ صغيرة وتوتية.. رقبتهآآ طويلها وشعرها اسود سواد الليل لخصرهآآ .. بشرتهآآ بيضة ونآآعمهـ .. طولهآآ متنآآسق مع وزنهآآآ
"جهينة 23" : مآعندها حركات الاستهبال والاستعباط .. انسانة خلوقة ولها اهدافها بالحياة .. تدرس بالجامعه ادارة اعمال واذا خلصت راح تكون عضوة من مجلس الادارة .. عيونها بنية فاتحه ووساع بيضآء وطويلة .. ماتحب تحط ميك آب وآيد يعني حدها كحل ومآسكرة
"سماح 17 " : ثاني ثانوي علمي .. هذي عآآد عكس اختها تموت بالمقالب وشباب العايلة متلعوزين منها ومن مقالبها .. ودايما جرايمها تسويها مع بنت عمها لين .. مرجوجه وعربجية حيل .. ما تحب الزينة وهالسخافات .. حتى ساعات الكل يشك انها وحده من هالعايلة ! .. عيونها بنية واسعه انفها طويل وحآد .. قصيرة وجسمهآآ متناسق مع وزنهآآ
غانم "بوجراح" ++ هيا " أم جرآح "
"جرآح 26" : الولد الكبير .. وسسسيم وسسيم لابعد حدود .. طويل ومعضل عيونه عسلية فاتحه ووساع اسمر بس مو وايد ..طيييب حييل حييل .. واحد من اعضاء مجلس الادارة
"هيثم 24 " : اصغر من جراح .. قلبه ابيض وطيب .. عنده سر كبير دافنه بقلبه .. يدرس برا في بريطآنيا يشبه جراح بس عيونه بنية فاتحهـ
"مشعل 23 " : فالهآآ وعايف الدرآآسسة وكل امهآآ همه البنآآت والمغآآزل .. يشبه جراح ومثله بالضبط ويكون اخو سارة بالرضآآعهـ
"بسمة 22" : سآحبة على الجآمعه ومالها خلق درآسة .. طيبة وعلى نيآتهآ .. حلوة تشبه جرآح بس هي بيضه
[{.... البـارت الاول ....}]
بســم الله الرحمن الرحيم
اللهم صلي على محمد وعلى آله وصحبه أجمعين
[{ يــوم الجمــــعة }]
طبعآ كل العايلة مجتمعه في بيت الجـد .. نسآء ورجآل في المجلس العود .. يتسامرون ويضحكون .. هذا يقول سالفة وهذي تقول سالفة .. طبعا كل بنات العايلة متحجبين بس ماخذين على عيال عمهم بس بحدود .. ما عدا شاب واحد يهابه الكل .. عرفتوه طبها .. بندر بن جاسم بن بدر ... كان جالس مع جده ويسولف معآه .. والشباب بجهه ثانية يستهبلون ويسولفون .. والبنات وايد متحمسين بالسوالف
نشوف شعندهم بنآت العآيلة
لين : عاد تدرون شودي فيه ؟؟
سارة باستهزاء : اتحفينآآ
لين : مالت عليج يا حمارة لا تكلميني باللهجه
سارة باستهبال : اكلمج بحريني انا .. عبالج اكلمج سعودي ولا اماراتي ولا صومآلي ؟
الكل : هههههههههههههههههههههههههه
لين بققهـر : ه ه ه ه ه مسسخفج بس
سماح بحمآس : اووفيييه لين فكينآآ يلا ترا والله اطقع لج "يعني اسفه لج "
لين : اووفف زيين .. سمعوآآ
أماا الشباااب
مسويين دائرة في وسط المجلس ويلعبون أونو " البتة "
فراس بقهر : والله غشآآآآآآآآش
جراح يضحك بصوت عالي : لا تجذب والله فزت عليييك
فراس بقهر : والله جذاب شيلوووه عني بسرعه
مشعل : هههههههههههههههههههه فديت اخوي والله انك سبـع
جراح بغرور : ها عيل شلون كفك مشيعل
مشعل رفع كفه : هههههههههههههههه
فراس قط الاوراق بقهر وهو يصرخ : والله غشآآآش .. غشآآآآش تسمعوووون
الشباب : ههههههههههههههههههههههههههههه
ريان : وقسم بالله العظيم كلهم سمعوك فضحتنآآ اسكت
جراح : خله خله ميت من الحرة هههههههههههههههههههههههههه
فراس قام عنهم وراح عند جده وجده وابوه وعمامه وبندر
فراس بقهر : وقسم بالله بزر وينرفزون
بندر كان يطالع تلفونه ورفع راسه يوم سمع صوته وابتسم بخفيف :شفيك
فراس بقهر : ياخي والله عيال عمك ينرفزون
بندر : شسووآ لك ؟
فراس يتسبل عليه : بتاخذ حقي
بندر ما عطاه ويه ورجع يطالع تلفونه
فراس طل : شتسوي ؟
بندر بصوت خفيف : قاعد اشتغل
فراس باستغراب : بتلفونك والحين ؟
بندر ابتسم : اي والحين
فراس ابتسم : الله يهديك يا بندر اليوم اليمعه شلون تشتغل حط وقتك حق عايلتك
الجد تدخل : يالمسبه شتقول له .. خل الولد بحاله
فراس : هههههههههههههههههههههه الحين انا مسبه يا يدي ؟؟
الجد بحزم : اي مسبه .. تبي تخرب اخوك قوم بس روح اقعد من الصياع
فراس بطل فمه وعيونه : صياع ؟؟
الجد عقد حواجبه : عبالكم ما ادري عن سوالفكم .. وعنك انت يوم رقمت ذيج الي بالسيتي سينتر "مايعرف ينقطها عدل " .. ولا جراحوو يوم تهاوش مع هندي البرادة ولا مشعل يوم غازل له ذيج البنت وصطرته كف ولا ريان الي تهاوش مع سماح ومن يومهآ ما يتحجون مع بعض
فراس والكل قاعدين يطالعونها بصدمه
فراس " والله يخرع " : اقول يدي من وين عرفت كل هذي
بندر ابتسم : يدي يعرف كل شيء يصير بدون ما يسأل
فراس : ما سألتك انت .. يلا يدي قول
الجـد ابتسم : مشكلتكم ماتعرفون انا شقد اعرفكم زيين
ريان ضحك بصوت عالي : هههههههههههههههههه حتى هوآشي مع سمآح تعرفه ؟
الجد ابتسم : شفت نظراتها لك وشلون تصد عنك وعرفت انكم متزآعلين
جراح بفهاوة : الهندي تعرفه يدي ؟؟
الجد عقد حواجبه : انت انجب وقوم عن ويهي بسرعه .. شلون تتهاوش مع الهندي هو مو بشر ولا حيوان عندك ؟
جراح انطم وبلع ريجهـ من كلام جده الي سكتهـ
مشعل وهو يفرك شعره : طيب ذيج البنت شلون دريت عنهآ
الجد يرفع عصاته ويوجهآ لعيون مشعل .. مشعل تصرقع لدرجه ان راح ورا والكل ماتو من الضحك عليه حتى البنــآت
مشعل بلع ريجه : يمه بسم الله الرحمن الرحيييم شفيك يدي بتبط عيوني
الجد بنبرة استهزآء : والله لو بيدي ذبحتك وشربت من دمك
مشعل بطل عيونه وفمه : شنو انا حفيدك ترضآهآ ؟؟
الجد رجع عصاته مكآنها : والله لا صرت ريال وقتها ما ارضاها فيك بس انت دعله ما تيوز عن سوالفك .. لمتى بتم جذي ؟؟
مشعل بلع ريجهـ وسـكـت
عند البـنــآت
سـآرة تسمعها وهي مفهية : وقسم بالله لو تموتين ما تسوينهآآ والله ما تسوينهآآ
لين بنص عين : هيييه هيييه شفييج .. بعدين اذا مو عاجبج الكلام ذلفي
سارة بقهر : بس انتي الي تقولينه شي قليل ادب شنو انتي ماتسحين هذا ولد عمج
لين بقهر : ولو ولد عمي .. كل عيال عمي سوينا فيهم مقالب تمت على جراح ؟
سارة سكتت
سمـآح : ماعليج منها هذي انتي قولي وانا انفذ
لين غمزت لها : فديت هالقلب بــس
سارة بقهر : تعالوا وين الجازي وبسمة ؟؟
لين : حتى جهينة وين ؟؟
سماح : جهون بالبيت تدرس وراها امتحآن
لين باستغراب : عيل وين الجازي وبسمه
سماح هزت كتفها بـ " لا "
فـــي الحــديــقهـ الكــبيـــرة فــي قصـــر الجـــد بــنــدر بن جــاسم
بسمة بصوت باكي : احبه والله احبه بس هو ما يحس .. ابيه يحس فيني تكفين
الجـآزي هزت راسها وحطت ايدها على ايد بسمة : حبيبتي انتي مستوعبة الكلام الي تقولينه
بسمة : مع الاسف
الجازي نزلت راسها : بندر يا بسمة ؟ .. انتي تعرفين ان بندر ما يحب هالسوالف
بسمة نزلت راسها وهي تصيح بصوت يقطع القلب : شسوي يا الجازي شسوي ؟؟ هذا قلبي حبآآه
الجازي ابتسمت : بس بندر ما ينفع .. بندر غير وانتي غير
بسمة رفعت عيونها لها : شسوي يعني ؟
الجازي شتت انظارها : مالج غير تنسينه
بسمة شهقت : شنوو ؟؟ شنوو انساه انتي شتقولين .. ماقدر .. لالالالالا ماقدر هذا بندر مالك قلبي ماقدر ماقدر
الجازي بعصبية : شنو ما تقدرين مثل ما دخل قلبج طلعيه شفيج انتي قلت لج بندر ما ينفع تفهمين ولا لا ؟
بسمة قامت عنها بعصبية : احبببه وهو رااح يحبني
الجازي فجت عيونها كلها : انتي شتقولين شنو يحبج .. اقولج بندر ما يحب هالسوالف وانتي تقولين يحبج
بسمة مسحت دموعها : بسويي كل شي عشان يحبني .. اخليه يستلطفني .. اقرب له اقط نفسي اهم شي يحبني وو...
الجازي قامت بسرعه وهي معصبة وحطت يدها على شفايف بسمه وصرخت : هيييييه هييييييه تراا واايد مصختيها شنوو اقط نفسي عليه ماعندج كرامة هو اذا يبيج راح اييج وجنج ما تعرفين بندر وطبعه جنه يدي بندر بالضبط ويدي بندر مايحب الي يقطون نفسهم عليه ( حطت صبعه على راسها ) هالمخ بطلييه زين ولا تتهورين ولا تسوين اي شي بدون ما تقولين لي
بسمة نزلت راسها وهزته
الجازي حطت يدها على ويعها ورفعته فوق وقالت وهي تبتسم : مسحي دموعج حبيبتي ولا تحطين في بالج .. انتي انسي هالافكار واذا لج نصيب فيه راح تاخذينه وراسج هذي ما ينزل بالارض لو شنو مايصير فاهمتني
بسمة ابتسمت من بين دموعها ومسكت يد الجازي : الله لا يرحمني منج
الجازي مسكت يدها وراحوا يمشون للمجلــس
دخلوآ على المجلس وكالعادة ازعاج .. كانوا بيروحون للبنآآت بس صوت الجد وقفهم وهو ينادي بسمـهـ
بسمة بتوتر خصوصا مع وجود بندر يمه : ان شاء الله يدي يايتك
الجازي بهمس : انا بروح للبنات
بسمة مسكتها : لا وين بتروحين وتهديني
الجازي ضحكت : ههههههههههه شفيج خايفة هلون
بسمة بخوف وهو تطالع نظرات يدها : بصراحه يدج يخرع امبييه
الجازي انفجرت من الضحك : هههههههههههههههههههههههههههههههه
الجد بنص عين : ضحكيني وياج يالجازي
الجازي مسكت ضحكتها وقالت بثقة بدون ما تتحرج : بصراحه يدي بسمة خايفة منك
بسمة قرصتها .. الجازي : آآي شفيج
الجد ابتسم : وحش انا تخافين مني
بسمة بلعت ريجها خصوصا لما شافت ابتسآمه بندر وقالت بتوتر :هآآ .. اي .. لالاللاال... ما اقصد
الجد قام من مكآنه : هههههههههههههههه تعالي قربي يا يبه قربي
بسمة بلعت ريجها وقربت له .. حضنها ومسح على ظهرها
الجد بحنية : يا يبه انا ما اخرع بس طبعي جذي شسوي
بسمة ارتاحت لحضنه .. كان ودها تدفن نفسها اكثر واكثر بس استحت من بندر وهو يطالعهم وابتعدت عنه : لك هيبتك يالغالي والصراحه ساعات اخاف منك
الجد مسكها من يدها وراح قعدها يمه .. كان بندر قاعد بالجهه الثانيية ويمه الجد والجهه الي بعدها بسمة
الجد مسك يدها : يا يبه يا حبيبتي انا ابي افاتحج بموضوع مهم
بسمة بلعت ريجها : شنــو ؟
المصدر: منتديات النواصرة
ليست هناك تعليقات:
إرسال تعليق