رواية يوميات زهرة و محمد
الكاتبة :*سكرانه حب *
O0o0o البارت الاول O0o0o
بعد مارجعت زهره من المدرسه سبحت وصلت وذاكرت دروسها وفكرت تدخل على النت مثل عادتها كل يوم دخلت على موقع البلياردو وسجلت بأسم جديد ×كيوت دلع× ودخلت روم بلدها ( البحرين) واول ما دخلت الروم وصلتها دعوه من حبيب بلا حبيبه قبلت الدعوه وبدو يلعبو مع بعض وبدا (حبيب بلا حبيبه) بالسلام
حبيب بلا حبيبه: سلام عليكم
×كيوت دلع× : عليكم السلام والرحمه
حبيب بلا حبيبه : شخبارج؟
×كيوت دلع ×: والله الحمدلله تمام . اند يو؟
حبيب بلا حبيبه : دووم ياربي . والله بخير
×كيوت دلع× : يدووم عزك . ((وبعدين ارسلت له )) دوووم ياربي
حبيب بلا حبيبه : يدووم غالييج يارب
×كيوت دلع× : يسلمووو
حبيب بلا حبيبه : اممممممممم من وين كيوت؟
×كيوت دلع × : مااابي بالاول انت وامبيك تقول لي الصدق حق اقول لك الصدق اوكي
حبيب بلا حبيبه : اووكي راح اقول لج الصدق ( وبعدين قال لها) انا من المنامه وانتي؟
×كيوت دلع × : والنــعــم والله بأهالي المنامه
حبيب بلا حبيبه : ينعم بحالج
×كيوت دلع × : امم انا من مدينه حمد
حبيب بلا حبيبه : والنعم والله
×كيوت دلع × : ينعم بحاااالك
حبيب بلا حبيبه :كم عمرج؟
×كيوت دلع × : لالا ماراح اقول لك الا ليما تقول لي
حبيب بلا حبيبه : انا عمري 15
×كيوت دلع × : العمر كله يارب
حبيب بلا حبيبه : وياج . يلا قولي لي كم عمرج لا تشردين
×كيوت دلع × : هههه شدعوه وين راح اشرد يعني؟؟
حبيب بلا حبيبه : هههههه ماادري اي مكان يلا قولي لي له كم عمرج؟ بالله عليج كم مره سألتج؟
×كيوت دلع × : هههههه وااايد ماعديت كم
حبيب بلا حبيبه : يلاااا قوولي كم عمرج
×كيوت دلع × : 13
حبيب بلا حبيبه : واااااو العمر كله يارب . مواليد كم انتي؟
×كيوت دلع × : مواليد 1995 . وانت؟
حبيب بلا حبيبه : انا مواليد 1994 بس انا بشهر 1 عشان جذي عمري 15
×كيوت دلع × : اهاااا جذي انا بشهر 10
حبيب بلا حبيبه : انتي على طول تشبكي في هذا الروم ؟
×كيوت دلع × : ايه انا على طول اذا اشبك ادخل هذي الروم بس بنك ثاني بس من اليوم سجلت بهذا الاسم
حبيب بلا حبيبه : اهــا ادخلي على طول من هذا اوكي
×كيوت دلع × : اوكي . اممممممم اذا اذن خبرني لأن الغرفه الي انا فيها ماحس يوصل صوت اذان
حبيب بلا حبيبه : حتى انا ما اسمع في هذي الغرفه اذا يأذن
×كيوت دلع × : اففف يعني لا انا ولا انت نسمع صوت اذان
حبيب بلا حبيبه : شنسوي . امممم انتي مستقره بالبحرين ولا؟
×كيوت دلع × : مستقره بالبحرين
حبيب بلا حبيبه : انا مب مستقر بالبحرين
×كيوت دلع × : عيل في وين؟
حبيب بلا حبيبه : بالشرقيه
×كيوت دلع × : اها
حبيب بلا حبيبه: امممممم شكله اذن اسمع ماما تقول لي قوم صل
×كيوت دلع × : اها اوكي انا بقوم بصلي
حبيب بلا حبيبه : راح تشبكين بعد ماتخلصي صلاه؟
×كيوت دلع × : ماعتقد راح اشبك
حبيب بلا حبيبه : اها . بكرا بنفس الوقت الي شبكتي فيه راح تشبكي؟
×كيوت دلع × : اممممممم اوكي راح اشبك نفس الوقت الي شبكت فيه اليوم
حبيب بلا حبيبه : اوكي يلا باي
×كيوت دلع × : بايات
حبيب بلا حبيبه : يلا انتي سكري
×كيوت دلع × : لا انت سكر انا ماراح اسكر
حبيب بلا حبيبه : لا لا انتي سكري مابي اسكر بويهج اخاف تتعورين
×كيوت دلع × : :$ << هذاك الويه الخجول الي خدوده مورده ومحمره خخ <<< . اوكي انا راح اسكر بس ابتعد لا يصيبك شي
حبيب بلا حبيبه : اوكي ابتعدت بعييييد
×كيوت دلع × : ههه اوكي يلا باي
حبيب بلا حبيبه : بايات يا الغلا . مثل ماتفقنا ها بكرا بنفس الوقت اشبكي اوكي
×كيوت دلع × : اوكي يلاااااا قوم صل له
حبيب بلا حبيبه : اوكـيــه باي
×كيوت دلع × : بايات
راحت بطلتنا زهره تصلي ومثل الشي حبيب بلا حبيبه وبعد ماخلصت زهره نزلت مع بيتهم وقعدت معاهم سوالف وضحك وغشمره ليما ملت وقالت لهم نبي نطلع بره البيت وافقوا اهلها وطلعو وستانسو اما حبيب بلا حبيبه فشبك مره ثانيه على الموقع كله امل زهره تغير رايها وتشبك
وهـ بـــــس تـــعـــبــت
لي الحين ماتعرفتو على الشخصيات عرفنا بس شخصين في هذي القصه بس انشاء الله بالجزء الجاي راح تتعرفو على بعض الشخصيات والاجزاء الجايه راح تعرفكم عليهم اكثر وراح تشوفون شخصيات جديده
بعد ماقريتو القصه ابيكم تقولون لي توقعاتكم
شنوو سالفه حبيب بلا حبيبه ؟
هل راح بكرا اذا زهره شبكت راح تشوفه وتلعب معاه؟
راح يكون شخصيه مهمه في هذي القصه حبيب بلا حبيبه ولا لا؟
تتوقعون اذا تلاقو بكرا راح كل واحد يعرف اسم الثاني ولا؟
بس خلاص ماقدر اسألكم اكثر بس اذا شفت تفاعل حلو في القصه راح اكمل كتابتها ولاتنسون ارائكم فيها
البارت الثاني
من بكرا
راحت زهره الصبح المدرسه وآخر حصه خبرتهم المعلمه الي تلبس عبايه تقوم تلبسها لان انتها الدوام طلعت زهره من المدرسه وصلها الباص لي عند بيتهم ونزلت دخلت لقت امها
زهره : هااااي ماما يعطيج العافيه
ام زهره : اهلين حبيبتي الله يعافيج شخبارج عساج بخير
زهره: والله تمااااام دامني شايفه الويه الحلو (( وراحت زهره وباست امها على راسها)). الا وين خواتي واخواني مالهم صوت
ام زهره : اخوج علاوي يزهب اغراضه واختج ريوم هم تزهب اغراضها حق السفر وفوفو مع زوجها طالعه واخوج بندر في الدوام
×فاااااااااااااااصل×
زهره عندها ثنين اخوان اهما علي عمره 18 وبندر عمره 20 بندر مافضل انه ياخذ الماجستير حق ياخذ وضيفه ويخطب البنت الي يحبها قال له ابوه راح اخطب لك انا بس اهو ماوافق المهم ماعلينا وعندها اختين فاطمه عمرها 24 وريم عمرها 22 فوفو متزوجه وريوم لي الحين ماتبي تتزوج بهاي العمر واهيا تدرس بجامعه دلمون فوفو اخذت دبلوم وتزوجت ومثل الشي بندر بس مثل ماخبرتكم ريوم تفكر تاخذ دبلوم وبعدين تشوف اذا ودها تكمل او لا
نـــرجع للقصه
زهره تنهدت عقب ماتذكرت اخوها علاوي واختها ريوم راح يسافرون اهي كان ودها تسافر بس مدرسه وعندها امتحان بعد اجازه عيد العمال
ام زهره حست حق بنتها : زهوور يمه روحي سبحي وصلي ونزلي اوكي
زهره : انشاء الله يمه
ام زهره راحت تكمل شغلها على بال ما زهره تسبح وتصلي تكون اهيا خلصت
نزلت زهره تحت ولقت كل اخوانها متجمعين ماعدا بندر الي بوضيفته وفوفو الي مع زوجها
ام زهره : يلا قومو تغذو
راحو يتغذون
زهره : ماما تسلم يديينج
ام زهره: يسلمج ربي
ريوم: ماما رفعتي حق بندوري؟
ام زهره : ايه رفعت حقه
راح نغير من ام زهره لي ام بندر خخ مايصير اهو الكبير
زهره : الساعه كم سفرتكم؟
علاوي : بعد مانتغذا راح نسبح ونروح المطار
ناظرته زهره واهي مكشره ومالها خلق قامت وقالت الحمدلله
ام بندر: الحين انتي كليتي شي؟؟
زهره : ايه الحمد لله
قامت زهره حق تغسل واهيا اليوم ماعندها مذاكره ارتاحت لان اليوم الخميس قالت بالليل راح تذاكر
راحت فوق واهيا مالها خلق احد بعد ماسبحو راح علاوي غرفه زهره وقال لها اذا بتروح معاهم المطار تتزهب بسرعه قامت على طول وتزهبت على السريع ونزلت تحت لي سياره ابوها
ابو زهره: ها حبيبتي زهور ودج تروحي معاهم؟
زهره وشوي وتصيح: شلون اروح وماحجزت حقي وعندي اختبار ؟
ابو زهره : حبيبتي زهوره انا لو ما عندج اختبار راح اخليج تروحي معاهم بس ماراح تعيد لج المعلمه الاختبار عرفتي حبيبتي
زهره : ايه يبه عرفت
وصلو المطار وام بندر وفوفو وبندر وابو بندر ودعو علاوي وريوم
بعد ماودعوهم وصلو بيتهم وزهور ع طول راحت حق تشبك بس تفاجئت مافيه انترنيت طقت ع الكيبورد بعصبيه وراحت تشوف ابوها
زهره: بابا شوف الانترنيت شنو فيه مب راضي يفتح مادري ليش
راح معاها وشاف فيه خلل بسيط عدله وقال لها خلاص شبكي
شكبت ودخلت على الموقع واول ما دخلت وصلتها دعوه من حبيب بلا حبيبه << كان الاخ يستناها مل واهو يستناها
قبلت الدعوه وبدو يلعبون
×كيوت دلع × :اووووه سوووريي تأخرت بس كنت رايحه المطار
حبيب بلا حبيبه : ليييش ناويه تسافرين وتخليني؟
×كيوت دلع × : !!! لا منو قال راح اسافر كنت رايحه اودع اخوي واختي
حبيب بلا حبيبه اطمأن قلبه : اهاااا يروحو ويردو بالسلامه
×كيوت دلع × : ياااااااااارب . ياربي مستمله حدي بدونهم
(( زهور تعز اهلها معزه ماتنوصف))
حبيب بلا حبيبه : بس وايد تأخرتي الحين قريب يأذن
×كيوت دلع × : شنسوي (( زهور حبت تغير الموضوع)) اممممم الا ماقلت لي شنو اسمك؟؟
حبيب بلا حبيبه: توقعي
×كيوت دلع × : اممممممم عبد الله؟
حبيب بلا حبيبه : لا مب عبدلله
×كيوت دلع × : امممم علي؟
حبيب بلا حبيبه: لا مب علي
×كيوت دلع × : خالد؟
حبيب بلا حبيبه: لااااا وين خااالد وين اسمي
×كيوت دلع × : خخخخ مادري عيل انت قول
حبيب بلا حبيبه : محمد
×كيوت دلع × : واااو عاشت الاسامي يا محمد
حبيب بلا حبيبه : عاشت ايامج وانتي شنو اسمج؟
×كيوت دلع × : اممممممم اقول الصدق ولا؟؟
حبيب بلا حبيبه : اكيد ابي الصدق
×كيوت دلع × : طييييب اسمي زهره
حبيب بلا حبيبه : ياااااا حلوووو عاشت الاسامي
×كيوت دلع × : عاشت ايامك
×كيوت دلع × : امممممممممم اوكي اذن بقوم بصلي
حبيب بلا حبيبه : اوكي مي تو
×كيوت دلع × :راح تشبك؟؟
حبيب بلا حبيبه: امممم مادري
×كيوت دلع × : اها اوكي يلا باي
حبيب بلا حبيبه : بايات يا..
×كيوت دلع × : يا شنو؟!!!؟
حبيب بلا حبيبه : لا لا بس ماراح اقول
×كيوت دلع × : لا قول ولا راح ازعل
حبيب بلا حبيبه : مشكله مانقدر على زعلج
×كيوت دلع × : :$ يلا قول
حبيب بلا حبيبه : بايات يا قلبي
×كيوت دلع × : بييييييه قوييييييه :$ :$ :$ يلااا باي
وعلى طول سكرت الموقع بدون ماتسوي اوت قامت واهي مو مصدقه الي شافته بعيونها وقررت انها بعد ماتصلي ماتشبك عن تشوفه .....
بس خلاااااص ماراح اكمل كتابتها جد الا ليما اشوف تفاعل
توقعاااااااتكم تهمني
× البارت الثالث×
من يوم الاحد ..
صحت زهره الصبح مثل عادتها كل يوم تقوم تذكر الله وتاخذ لها دش سريع وتعدل شعرها وتبلس مريولها اهي ماتحب تاكل شي من الصبح يعني تخلص وتبقى تستنى باصها ليما يجي لها وصلت المدرسه ولقت فاطمه صديقتها سلمت عليها بخباااال اهيا الخبال في كل مكان مستحيل تتركه خخخ وجلسو سوالف وضحك ليما وصلتهم مريم << مريم تقرب حق زهره بنت خالتها يموووتوون على بعض وكل وحده تتمنى الثانيه حق اخوها صح انهم لي الحين عمرهم 13 بس يتمنون هذا الشي ليما يكبرون
زهره : هلاااااا مريووووم شخبارج حبيبتي عساج بخير
مريوم : يااااااااقلبي انا تماااااموو وانتي شخبارج؟
زهره : يااااااالبي قلبج انا تمااام دامج تمااام
فطيم : اففف قريب يطق الجرس شهالحاله اف
مريوم : افف شعلينا اول حصه ؟
فطيم : ريض
زهره : يؤيؤيؤ حتى انا علي اول حصه ريض يعييييع
**فـــااااااصــل**
حبيت اخبركم مريم مع فاطمه بنفس الفصل بس زهره لوحدها بفصل المهم بوصف لكم اشكالهم (( مريوم : دبدوبه وبيضه عيونها مب وساااع فيها بعض التصرفات مثل بنت خالتها زهره . زهره : كيوووووت شعرها طويل كستنائي عينها خيااال واسعه وبنيه داكنه شوي رمش عينها طواال ماشاء الله عليها شفايفها مب مليانين بس كيوووت موردين بشرتها حنطاويه بس خيااااااااال مادري شلوون صايره خخ اهي صح تحب الخبال ووو بس ماتحب شكي همومها حق احد وكل اسرارها عند مريوم ومثل الشي مريوم اسرارها عند زهره ايي صح نسيت شغله اهيا حلو طولها وضعيفه جسمها واااو فطيم على طول تقول لها ياليت جسمي مثل جسمج خخ . فطيم : حنطاويه بس زهره صايره احلى منها عينها صغار سود رمش عينها مب طوال وايد شعرها اسود طويل تموووت على زهره دومها تتغزل فيها كأنها ولد يغازلها هع هع )
نرجع حق قصتنا
طق الجرس وراح الكل على الطابور قررت فطيم ومريوم اليوم يروحو في الطابور مع زهره وعدت هذي السالفه على خير مافيه حد من المعلمات انتبه لهم راح الكل على فصله انتهت الحصه الاولى والثانيه والثالثه وبعدين بريك راحت زهره فصل فطيم ومريوم
زهره بصرااااخ : يلاااااااااا لي متى يااااربي ماصدق مريوم تكتب
مريوم : لا خلاص الحين على نهايه السنه لازم اكتب هع هع
فطيم : اف بكرا علينا اختبار يعيييع
زهره : هه متعودين على الاختبارات حتى على نهايه السنه اختبارات
طلعو من فصل مريوم وفطيم زهره شافت ورده كيووت ورديه اخذتها
زهره : مريوووم يابعد قلبي اخذيها
مريم : وااااي ماااقدر انا جذيي اذوووب خخخخ
فطيم وتسوي عمرها زعلانه : اييه ماعليه عطيتي مريوم وما عطيتيني وحده
زهره اخذت الثانيه : افا علييييج بس كم فطيم عندي وقالت لها ( امسكيها )
فطيم : يابعدييييي هالبنت ثااااانكس
زهره : خلااااااص بدون غزل زوجي مايرضى << تعودو عليهم اهما دومهم جذي خخخ
مريوم : اييه ترى اعلمه عليج
زهره : وييي حبيبتي ما امبي اخوج
مريوم : مسكييين قمر اخوي
فطيم : لااا زهور حق اخوي انا
زهره عصبت عليهم كل وحده وتقول لها انها حق اخوها : اففففففف وبعدين انتي وياها خلاااص ما امبي اتزوج زيين
طق الجرس واهما ليما يطق الجرس يروحو يشترون لهم شوكلت وماي وشيبس عقب ماخلصت ثلاث الحصص الاخيره انصرفو كل وحده على بيتها زهور ومحمد مثل عادتهم كل يوم وبعد مرور اسبوووع وصل علاوي وريوم البحرين وزهور متونسه على الاخر بس محمد صار له مده مايشبك جذي تقريبا 5 ايام ماشبك اهيا بدت تخاف عليه وشبك بعد الصلاه
× كيوت دلع × : هلاااااااااا شخبارك؟
حبيب بلا حبيبه : اهليييييييين انا تمام انتي شخبارج
× كيوت دلع × : دووم انا تمااااااام يوم شفتك
حبيب بلا حبيبه : واااااااااي وحشتيني يا الدبه
× كيوت دلع × : حرام ماني دبه . الا ماقلت لي ليش ماتشبك هاا
حبيب بلا حبيبه : الاشتراك انقطع عندي وعقب ما يددت الاشتراك الموقع مادري شفيه كل ما احاول اسجل دخول مايرضى وانا حاولت احصل على ايميلج بس ماقدرت . زهوور بلييز لازم آخذ ايميلج انا ماقدر جذي يمكن يصير لي مثل الشي ولا الموقع يسكر يعني انا امووت؟
× كيوت دلع × : لالا بعد عمر طويل لا تقول جذي بس انت ارسل لي ايميلك وانا اراح اضيفك اوكي
حبيب بلا حبيبه : اوكي
وبعدين ارسل لها الايميل واهيا بدون ماتتردد ولا اي شي ضافته واهو قبل الاضافه بس اهي كانت بتقوم لانها تحس انها تعبااانه وقالت له بكرا راح اكلمك ع المسن لان انا الحين بقوم تعبانه وصوت ماما تناديني قال لها اوكي وتوادعو وقامت زهره تشووف امها وبعدها قالت لها ما امبي اتعشى وراحت اخذت لها دش ورقدت .
احس هذا البارت قصير ومافيه احداث وايد بس انشاء الله البارت الرابع يكون احسن
توقعااتكم تهمني
راح تشوف زهره محمد ع المسن؟ وهل راح تكلمه ؟
راح تخبر زهره بنت خالتها مريوم ع موضوع حمود ولا ؟
وزهره حست احساس غريب يوم تحس انها بدت تخاف عليه شنو ممكن يكون هذا الاحساس؟
المصدر: منتديات النواصرة
| التوقيع |
 |
ليست هناك تعليقات:
إرسال تعليق